Harrobi eta meategiak: gutxi batzuen aberastasuna, gehienon arazoa

Harrobi eta meategiak: gutxi batzuen aberastasuna, gehienon arazoa

sustrai - 01/06/2014 - 20:21

• Sustraiko txostenak
 
• Meategi eta harrobiak

Artikulu hau irakurtzeko aurreikusitako denbora: 

 4,5 min.

Nafarroako harrobi eta meategi batzuen proiektuari buruzko txostena aurkezten dugu hemen. Txostena, Nafarroan aurreikusten diren edo egiten ari diren harrobi eta meategi proiektuen eraginpean dauden pertsona, erakunde eta kolektiboek 2014ko otsailaren 8an egindako topaketaren emaitza da. Dokumentua ez da zehatza eta bederatzi kasuren fitxak jasotzen ditu: Oskia, Altsasu, Aldatz, Zangoza eta Erreniegako potasak,Zilbeti, Mendiaundi, Erdiz, Salinas de Oro eta Aritzu. Txostena PDF formatuan (1,5 Mb) eta liburu elektronikoendako EPUB formatuan (1,1 Mb) irakurri dezakezu osoz. Eta hemendik aurrera bere aurkezpena eta ondorioen kapituluak dituzu:

Harrobi eta meategiak: gutxi batzuen aberastasuna, gehienon arazoa
Nafarroako meategien proiektu eta ustiapenetara hurbilketa

Aurkezpena

Txosten hau, Nafarroan aurreikusten diren edo egiten ari diren harrobi eta meategi proiektuen eraginpean dauden pertsona, erakunde eta kolektiboek2014ko otsailaren 8an egindako topaketaren emaitza da. Bilkura Lekunberrin egin zen eta 28 pertsonek hartu zuten parte.

Dokumentua ez da zehatza eta bederatzi kasuren fitxak baino ez ditu jasotzen (fitxak osoko dokumentuan ikusi daitezke). Horietako batean,lehengoratze plana garatzen ari dira, nahiz eta datuek ezkutuko ustiapena dela pentsarazten diguten. Beste batzuetan luzapenak, handiagotzeak edo berreraikitzeak mahaigaineratzen dira. Kasurik onenean, makro meategien irekiera baldintzatzea edo behin behinean gelditzea lortu da.

Topaketan, Olazagutia/Olazti (kareharria), Ultzamako Eltzaburu (AHTrako ofita), Basaburuako Igoa (kareharria), Tiebas (Alaiz mendizerrako meategiak) edo herri ekimenei esker aurrera egin ez zuten Leitzako proiektua bezalako kasuez ere hitz egin zen.

Txosten honetan haustura hidraulikoa edo frackinga erabiliaz eskisto gasa edo arbel gasa ateratzeko proiektuek sortzen duten arazoa ez da sartu. Gai honen inguruko informazio gehiago nahi izanez gero, proiektu hauen aurkako Nafarroako web orrira igortzen zaitugu:http://navarraantifracking.blogspot.com.es/

Dokumentuaren bukaeran, inposaketa hauei aurre egiteko agertu ziren ideietako batzuk bildu ditugu, bai eta sostengu helegiteei erreferentzia labur batzuk ere.

Azkenik, aipaturiko topaketan parte hartu zuten talde eta pertsonei edota beraien ekarpenekin txosten hau posible egin duten guztiei, eskerrik asko.

Lekunberri, 2014ko ekaina

Zer egin? Azken eztabaidaren ondorioak

Jendarte mailan:

• Bertako bizilagunok gure eskubideen defentsan iniziatiba lehenbailehen hartzea, sustatzaileak proiektua asko aurreratu eta garatu baino lehen, eta kanpoko inor etorri eta lagunduko gaituen zain egon gabe.

• Bertako garapen aukera eraikitzaileak proposatu, zentzu positiboan, lurraldearen defentsa soilean geratu gabe (“Ezaren plataforma” soila izan gabe). Harrobi eta meategi erraldoiek eraginda bizi garenok nahi dugunaren inguruko berezko ikuspegia daukagu, guretzat eta gure seme alabentzat nahi dugunaren ingurukoa. Gure inguruaren garapen ekonomikoa eta soziala nolakoa izatea nahi dugun marraztuko duten etorkizuneko egoerak definitu. Horregatik gure mezu propioa egituratu eta landu behar dugu.

• Gatazka hauetan borroka gakoetako bat informazioan datza, arazoa sustatzen duten faktoreen eta beronen osagaien zabaltzean. Horretan datza bertako hedabideekin lan egin ahal izatearen garrantzia, bai eta alkate eta zinegotzien jarrera publikoekin ere (“aginpide” argumentua).

Maila hurbilenean, kontzeju eta udalekin:

• Edozein bizilagunek eska diezaioke udalari, eman dituen esplotazioetan irregulartasunik ba ote den egiazta dezala. Udaletxeak jaramonik egiten ez badigu, irregulartasun zantzuak baleude, auzitan has daiteke…

• Udalek esplotazio hauen garapena behatu dezakete eta hala egin behar dute, gauzatzaileek ezarritako arau guztiak bete ditzaten. Bizilagun izanik, antzematen ditugun irregulartasun guztien berri eman diezaiekegu, eta behar izanez gero, zinegotziak, alkateak eta idazkariak estutu, legea betearaz dezaten.

• Gauzatzaile edo enpresaren bat baimenik gabeko prospekzioren bat egiten ari dela konturatzekotan edo horren susmoa izatekotan:

• Guardi Civilaren Servicio de Protección de la Naturaleza (SEPRONA) zerbitzura jo daiteke, iker dezaten:http://www.guardiacivil.es/es/institucional/especialidades/Medio_ambiente/ Salaketa mota honen adibide gisa ondoko lotura duzue.
• Kaltea jasaten duten udalek lau urte lituzkete helegitea jartzeko, eta 60.000 € adinako isunak jartzeko aukera izan dezakete.

• Bigarren mailako arautegia medio, udalek meatze esplotazioak nolakoak izatea nahi duten arautzeko eskumena dute (arautegi komunitarioen, estatalen eta autonomikoen esparruan). Ikus Larraungo adibide hau, non lehergaiak zartatzea galarazten diren, esplotazioa gehienezko 250.000m³ ko bolumenean ezartzen den eta jendeguneekiko distantzia minimo batzuk ezartzen diren.

• Interesgarria litzateke kontzeju, udal edo bertako elkarteek beraien inguruko ikerketa baimenak eskatzeko aukera aztertzea, hauek blindatzearren. Hori egin ahal izateko bete beharreko baldintzak zeintzuk diren ikusi beharko litzateke.

• Harrobien esplotazioa hobetzearren, udalak harrobien jabe, sustatzaile eta kudeatzaile izan daitezela proposatzen da, eta esplotazioa enpresei azpikontrata diezaiela, baina lurraren edo eta lur azpiaren esplotazioaren kontrol publikoa mantenduz.

• Kontzeju eta udalen eginbeharrak murrizten dituzten arautegi berrien garrantziaz ere ohartarazten da.

Administrazioarekin (autonomikoa eta estatala):

• Arduratzen gaituen gaiaren ardura hartua duen administrazioko teknikariekin zuzenean komunikatzea baliagarria izan daiteke. Kontaktu datu publikoak dituzten funtzionarioak dira. Honela eginez, guri ematea behartuta dauden informazioa zuzenean eskuratzeko aurkera izango dugu. Eskariak beti idatzizkoak izan behar dira eta komenigarria da ere eskakizuna beti pertsona berdinak egitea.

• Hala ere, administrazioko teknikariei informatzea batzuetan kaltegarria izan daiteke, izan ere aurreko kasu batzuetan ez dute lagundu eta, bestalde, emandako informazioa modu desegokian erabili dezakete.

• Kontaktua Ministerio de Industriaren ‘permisos de investigación’ atalean hau da: 91 349 74 34 (Antonio Moreno). Nafar Gobernuko kontaktuak,ikusi esteka hau.

• Administrazioari zuzentzean, kontuan har gaitzaten eta kudeaketa eraginkorra izan dadin garrantzitsua da:

• Gaia ezin hobeki ezagutzea eta gauzak oinarri teknikoaz adieraztea, informaziorik garrantzitsuena soilik eskainiz, gerora bilatzen gabiltzana lortzeko. Aldez aurretik lortu nahi dena argi eta garbi edukitzea garrantzizkoa da. Horretarako gure helburuak gainerako pertsona eta taldeekin zehaztea komenigarria da, hala bakarkako lanetan gal daitekeen denbora eta indarra saihestu asmoz.
• Gure interesekoa den gaia zein espediente pean edo zein prozeduran dagoen kontuan izatea. Arautegiek ezartzen dituzten epeetara egokitzea ezinbestekoa da.
• Eskatzen dena idatziz erregistratzea, telefonozko edo ahozko elkarrizketak izan badira ere.
• Eskaera bat egiterakoan, alde interesatua garela adierazi eta egiaztatu, eskaeran hori hitzez hitz jarriz.
• Administrazioari esku artean duen edozein gairen inguruko ingurumenaren gaineko informazio guztia eskatu dakioke. Horretarako, hurrengo web loturan Sustrai fundazioak argitaratua duen prozedura erabil daiteke: http://www.sustraierakuntza.org/como-solicitar-informacion-ambiental-instituciones

• Nafarroako arartekoari kexak aurkezteko aukera kontuan izatea ere interesgarria izan daiteke. Hemen kexa bat nola bideratu zen eta zein emaitza izan zuen aurkezten dizuegu: http://blogak.com/sakanakoahtrikez/demanda-ante-el-defensor-del-pueblo-de-navarra

Bestelakoak:

• Ikerketa baimenak promotore bati ematen zaizkio, aurretik antzeko proiekturik jasan ez duten lur sail “franko”etarako. Aldez aurretik antzeko proiektu bat jasan duten lur sailetarako ikerketa baimena ematekotan, lehiaketa publikoa izan behar da. Adibidez, Erreniagaren kasuan, Potasasi eginiko kontzesioak lehiaketa publikoa behartzeko balioko luketen ikertzen ari dira. Duela sei urte mota horretako hainbat baimen atera ziren lehiaketara...

Aurtengo denboraldian inoiz baino baserritar eta azienda buru gehiagok Erdiz erabiliko dute / La temporada de este año bate el récord en número de ganaderos y cabezas de ganado que aprovecharán los comunales de Erdiz

Aurtengo denboraldian inoiz baino baserritar eta azienda buru gehiagok Erdiz erabiliko dute.

Lizartzuko, Belateko eta Erdizeko Baztango herri-bazkalekuen udako denboraldia duela gutxi hasi zen.

Urtero bezala Baztango herri-bazkalekuetako udako denboraldia maiatzaren 9an Lizartzun eta maiatzaren 31an Erdiz eta Belaten hasi ziren eta, azkeneko urte hauetako bideari jarraikiz Erdiz erabiliko duten baserritarren eta azienden kopuruak goiti egin du. Aurten 106 baserritarrek erabiliko dute Erdiz eta behi-buruak, 550 denera, Erdizen alatuko dituzte. Azken hamarkadetako datu hoberenak izan dira, iazko datuekin alderatuta 6 baserritar gehiago eta 50 behi buru gehiago. Gainera, aurten, lau zezen sartu dituzte. Datuek, bertze behin, Erdizeko bazkalekuak nekazaritzarako duen balioa agerian uzten dute.


Erdizekoarekin batera Lizartzun eta Belaten ere udako denboraldia hasi berri dute; bazkaleku horiei buruz iazko datu bertsuak dira. Lehenengorat 18 baserritarrek beren aziendak eraman dituzte denera 60 behi, 85 behor eta 200 ardi buru. Bigarrenerat, Belaterat, 25 baserritarrek 215 behi buru eraman dituzte eta bi zezen sartu.

Herri-bazkalekuek Baztango ekonomian duten garrantzia ikusirik, Udalak, aurten ere, bazkalekuak hobetzeko erabiltzaileekin bilerak egin eta inguru horietan hainbat hobekuntza egin ditu. Modu horretan Erdizen Artesiagako korlerako bidea hormigoizatu da, korlean zahorra bota eta askak errepasatu dira. Hiru bazkalekuetan ongarri ekologikoa hedatu da.
Bertzalde, Belate erabiltzen duten baserritarrekin hala erabakirik Belateko zohikaztegiaren iskindegia berritu da, askak errepasatu dira eta sasitza kentzeko lanak ere egin dira.
Hobekuntza lan horiek egiteko 15.000 € erabili dira.



La temporada de este año bate el récord en número de ganaderos y cabezas de ganado que aprovecharán los comunales de Erdiz.

Hace poco ha comenzado la temporada de verano en los pastos comunales baztandarras de Lizartzu, Belate y Erdiz.

Como cada año, ya se abrió en Baztan la temporada de verano en los pastos comunales, el 9 de mayo en Lizartzu y el 31 de mayo en Erdiz y Belate. Siguiendo la tendencia de los últimos años el número de ganaderos y cabezas de ganado ha aumentado. Esta temporada 106 ganaderos aprovecharán los pastizales de Erdiz con la entrada de 550 cabezas de vacuno en total. Son los mejores datos de las últimas décadas y comparados con los del año anterior suponen un aumento de 6 ganaderos y 50 animales. Por otra parte, esta temporada han entrado 4 toros. Nuevamente los datos constatan el valor que para la ganadería tienen estos pastizales de Erdiz.

Además de Erdiz, la temporada de verano acaba de comenzar también en los pastizales de Lizartzu y Belate, donde se han mantenido el número de entradas del año anterior. Los pastos de Lizartzu los aprovechan 18 ganaderos con un total de 60 vacas, 85 yeguas y 200 ovejas; y los de Belate 25 ganaderos con 215 vacas y 2 toros.

Vista la importancia de los pastos comunales para la economía de Baztan, este año también el Ayuntamiento con la finalidad de mejorar las condiciones de los pastos, ha mantenido reuniones con los ganaderos y se han llevado a cabo muchas mejoras. Como muestra, los trabajos de hormigonado de la pista a la manga o corraliza de Artesiaga, en Erdiz, así como el arreglo del firme de la corraliza con todo-uno y el repaso de los abrevaderos. Los 3 pastizales se han abonado con abono ecológico.

Por otra parte, acordado con los ganaderos usuarios de los patizales de Belate, se ha renovado el cerramiento de la turbera de Belate, se han arreglado los abrevaderos y se han hecho trabajos de desbroce.



Las mejoras han supuesto un coste de 15.000 €.

x

Natura 2000 Sarearen Europako Eguna

Maiatzaren 21ean, Natura 2000 Sarearen Europako Eguna ospatuko da. Sareak natura ondarearen babesa eta garapen iraunkorra bultzatzeko garrantzi handia dauka eta hau aldarrikatu nahi da “Tximeletaren Efektua”rekin. Hona hemen Natura 2000 Sarearen aldeko gure keinua!

La justicia europea falla contra una carretera en una zona protegida de la Red Natura 2000

La batalla parecía perdida: unas humildes hierbas contra la ampliación de una autopista. El Gobierno holandés decidió en 2011 modificar el trazado de la A2, una vía muy transitada, entre Den Bosch y Eindhoven. Se encontró con un problema: el proyecto afectaba a un lugar Natura 2000, una red ecológica europea de áreas de conservación de la biodiversidad. En concreto, ampliar la autopista iba a perjudicar, por la desecación y la acidificación de los suelos, a un hábitat de 6,7 hectáreas de prados de molinias. El Gobierno holandés siguió adelante, pero para “compensar” planeó crear nuevos prados de molinias en una zona cercana. El Tribunal de Justicia de la UE dictaminó este jueves que no actuó correctamente. Su fallo sienta jurisprudencia en toda Europa y refuerza la directiva Hábitats al aclarar que no se puede construir en un lugar Natura 2000 si con ello resulta afectado un hábitat protegido.

El Tribunal de Luxemburgo, que responde a una petición de aclaración del Consejo de Estado holandés, remarca que la directiva Hábitats no permite compensar con posterioridad, como pretendía Holanda, los efectos negativos de una actuación en una zona Natura 2000. En estas áreas protegidas, los proyectos que afecten a un hábitat están prohibidos en todos los casos, con una única excepción: cuando existan “razones imperiosas de interés público” y no haya soluciones alternativas. Solo en ese caso, que no era el de la autopista A2, lo que debe hacer el Estado miembro es tomar medidas compensatorias por el daño que crea el proyecto en cuestión.

Los espacios protegidos en la Red Natura 2000 cubren grandes extensiones en toda Europa. En España, por ejemplo, suponen el 27% del territorio, sumando tanto los lugares de importancia comunitaria (LIC) como las zonas de especial protección para las aves (ZEPA). Numerosos proyectos de carreteras, urbanizaciones o incluso aeropuertos han topado con estos espacios protegidos y, tal y como denuncian las organizaciones ecologistas, en muchos casos han conseguido declaraciones institucionales de “interés general” para así sortear la prohibición europea. Para evitar malas interpretaciones de la norma europea, ahora el fallo del Tribunal de la UE reitera que la excepción que contempla la directiva es eso, una excepción.

El Tribunal de Luxemburgo falló contra el desdoblamiento de la carretera madrileña M-501 en 2011, al considerar que había vulnerado la directiva Hábitats por afectar a tres espacios protegidos. La Comunidad de Madrid había declarado el proyecto “de interés general”.

“Sustituir un hábitat destruido creándolo en otro lugar es extremadamente complicado, e implica un alto riesgo de pérdida neta de biodiversidad. Es precisamente por eso por lo que la directiva Hábitats limita el uso de las medidas compensatorias a casos muy excepcionales”, señaló Wouter Langhout, portavoz de BirdLife Europa, tras conocer el fallo.

ERDIZ, LOEE ETA BETIKOAK

Erdiz Bizirikek Baztango Lurralde Okupazio Eredu eta Estrategia txostenari buruz Magnaren eta Baztango Garapenerako Elkartearen eledun gisa ibili denaren jokabidea publiko egin eta salatu nahi ditu. Baztango lurraldea antolatzeko asmoa duen Udal Planaren aipatu txosten estrategikoa apirilaren 10ean goizeko 8:00etan udalbatzarrean onartzekoa zen egunean, Magnak eta Baztango Garapenerako Elkartearen inguruan dabiltzan jendeak udalbatzarkideei buruz azken momentuko presioak egiten ibili ziren; hala,  goizeko 7:30ak aldean hautetsi baten etxerat agertu eta Lurralde Okupazio Eredu eta Estrategia proposamenaren aurka bozkatzeko presioa egin zioten. Magna eta Baztango Garapenerako Elkartearen ingurukoek nahi zutena: Erdizeko bazkaleku komunala, Europako legeek duen balio ekologikoarengatik babesturikoa, jarduera industrialerako erreserba moduan kalifikatzea.

Mafiosotik hurbil dagoen jakabidearekin Baztango ekonomian funtzio produktibo argia duen bazkaleku komunala eztabaida publikorik gabe eta presio bidez desegin nahi izan dute. Horrelako jokabideak guztiz onartezinak dira eta Magna eta Baztango Garapenerako Elkartearen inguruan ibiltzen diren batzuk nor diren eta nola aritzen diren garbi erakusten du.

Horiek guztiak erranik, Erdizeko bazkaleku komunalari buruz ari garelarik 100 baserritar inguruk erabiltzen duten bazkalekuaz ari garela oroitarazi nahi dugu eta, horrek, bailaran duen eragin ekonomiko, sozial eta kultural garrantzitsua. Halaber, Erdiz Aldude Mendi izenko Zainketa Bereziko Eremuan dago eta Europak horrelako tokietan harrobiak egitea debekatzen du. Magnaren balizko proiektua Baztango ekonomia errealaren aurkakoa da eta gainera Europako legeen kontrakoa.

Erdiz Bizirik!

BAZTANGO UDALAK NATURA ETA KULTURA BIZIAK PROIEKTUAREN GIDA-MAPA AURKEZTU DU

Baztango Museoaren Kontseilu Errektorean, museoaren funtzioak (hau da, gure ondareak ikertzea, zaintzea eta ezagutaraztea) sendotzeko eta aitzinera eramateko aukerak aztertu eta eztabaidatu ondoren, Baztango ondare naturala eta kulturala lantzen dituzten elkarte eta zerbitzuekin elkarlana bultzatzea eta sinergia sortzea beharrezkoa ikusi zen. Lehen pausoa apirilaren 14an aurkeztu zen gida-mapa diseinatzea izan da.

Gida-mapa honetan museoa ez ezik Baztango ondarea ezagutarazten dituzten zerbitzuen informazio ematen da, baita Baztango informazio orokorra ere (ondare natural babestua, laxoa, Done Jakue Bidea, Batzar Nagusia…). Baztanek daukan ondare naturala eta kulturalaren balio eta dinamikotasunez jakitun, gida-mapari (eta proiektu osoari) paratu zaion izena “Baztan: Natura eta Kultura Bizia” da.

Baina Baztango Udalaren helburua ez da museo baten edo zerbitzu turistiko batzuen “esku-orri” bat diseinatzea bakarrik, baizik eta baita zerbitzu, elkarte eta iniziatiba guzi hauen elkarlana bultzatu eta horrela helburu ezberdinak lortu kultura, turismo, hezkuntza eta tokiko garapenaren alorretan.

Ezaguna denez, Baztango Museoaren eskaintza (hau da, Baztani buruz egiten duen interpretazioa) hiru bildumetan oinarritzen da: bilduma etnografikoa, bilduma megalitikoa eta Javier Ciga margo-bilduma. Ikuspegi zabal batetik, bilduma hauen erakusketa bertze ekitaldi, esperientzia edo bisita kulturalekin osatzea posiblea da Baztanen, eta hori da hain zuzen ere sustatu nahi dutena.

Errate baterako, Baztango Museoan ikus ditzakegu gasna egiteko tresna zaharrak (zimitza, kaikua...) eta Anizko Jauregian ikus ditzakegu baserria, landak, behiak eta gasnategia; gasnaren ekoizpen prozesua ezagut dezakegu Gorramendiko gasnategian ere bai. Sagar-munduari dagokionez, Gamioxarreko dolare barrokoa martxan ikus daiteke, eta Larraldea sagardotegiak eskaintzen duen esperientzia probestu. Berdintsu, taloei dagokienez, Amaiurko eta Etxaideko errotetan eskaintzen diren bisita eta dastaketekin. Eta Baztango eta Nafarroako historiari hurbiltzeko aukera ere badago Amaiurko gaztelu eta Iruritako Jauregiko bisitei esker.

Izan ere, Balleko Etxetik aipatzen dutenez, «zorionez badaude gure bailaran Baztango kultura sustatzen diharduten hainbat elkarte; gure ondare naturala eta kulturala ikertzen, zaintzen eta ezagutarazten aritzen diren elkarteak». Baztango Museoak elkarte hauek egiten dituzten lanak ezagutaraziko dizkio publiko zabalari.

Horrela “Baztan: Natura eta Kultura Bizia” proiektuak Baztango zerbitzuak, museoak, interpretazio-guneak kultura mailan burutzen diren ekitaldiekin lotu nahi ditu, kultura eta hezkuntza bertako herritarrekin batera bultzatu eta sendotzeko.

Baztango museo eta zerbitzu sarearen proiektuaren lehen urratsa da hau. Honekin, eta Turismo Bulegoak lagunduta, kultura eta hezkuntzarekin batera, turismoa eta merkataritza sustatu nahi dituzte, «gure bertako produktuak eta artisauak ezagutaraziz. Izan ere, ezinezkoa da gure gastronomia eta gure produktuak bultzatzea, eta tokiko garapen tradizional eta jasangarria bermatzea, hauek guztiak azaldu eta ezagutarazten ez badira».

Gaur egun Turismo Bulegoa Baztango Museoan bertan kokatuta dago eta gero eta turista gehiago erakartzen ditu. Turista hauek esperientzia autentikoen bila dabiltza, eta zentzu horretan Baztanek eskaintzeko duen guztia erakargarri bihurtzeko ahaleginetan ari dira. Zentzu horretan, “Baztan: Natura eta Kultura Bizia” proiektuaren gida-mapak dauden zerbitzu, bisita eta ekitaldi guzien berri emanen die, informazio-iturri garrantzitsu bilakatuz.

Bertzalde, Baztango Museoan bertan emanen den informazioaz gain, turistak ez ezik, herritar guztiak Baztango elkarteen ekitaldien berri izateko bertze argitalpenak, agenda, web orria eta sare sozialak hasiko dira erabiltzen aurki.

Baztan tokiko garapenetik eraikitzeko urrats berria eman zuten larunbatean

Nolako Baztan nahi dugu? galderari buruz gogoeta egiteko larunbateko lan-saioan bailarako sektore eta adin desberdinetako baztandarrek parte hartu zuten. Arizkunenea kultur etxean egindako ariketan ekarpen interesgarriak biltzeaz gain, bailararen etorkizunari eta norabideari buruz hausnarketak egin ziren. Alde batetik, galdera nagusiari erantzuteko bi azpigaldera landu zituzten: lana eta aberastasuna: nondik jo Baztanen? eta, bertzetik, herriak nola biziarazi? Halaber, Baztanen abian diren ekimenak gogoan harturik, ekimen horiek eta balizko norabide hori bat ote datozen edo zer gabezi dauden gogoetatu zuten. Akitzeko, tokiko garapenean eta tokiko garapenetik eragiteko borondatearekin bailaran antolatzeko beharra ikusi zen eta antolaketa horretarako oinarrizko irizpide batzuk ezarri ziren. Orain, interesa dutenek taldean egindako gogoeta eta irizpideei jarraipena emanen diete, horretarako, lehendabiziko bilera apirilaren 16an eginen dute, Arizkunenea kultur etxean, gaueko 20:00etan.

Larunbateko lan-saioa lehen kontraste ariketa izan zen eta bertaratu ziren 43 lagunek antolatzaileen aurrikuspenak bete zituzten. Gogoeta ariketa parte hartzea errazteko metodologiekin egin zen, talde ttipietan eztabaidatuz eta plenarioetan solastatukoak aurkeztuz.

Aipatzekoa da Nolako Baztan nahi dugu? gogoeta ariketa aitzineko urtean tokiko garapenari buruz egin diren solasaldien segida moduan iritsi dela. Hala 2014. urtean barna Joseba Garmendiak Sakanako Sakantzen sarearen berri eman zuen. Ondotik Pello Otxandianok Otxandioko Herri-ola aurkeztu zuen. Pablo Muñoz eta Jakoba Errekondo tokiko garapenaz eta inguruaren babesaz aritu ziren eta Jaime Izquierdok tokiko garapena eta komunitatearen parte hartzea hizpide izan zituen.